తొలకరి జల్లుల్లో తొణికిసలాడే కన్నెపిల్లలు తడిస్తే.. ఎలా ఉంటుంది.. చీరలో ఉన్న అమ్మాయి తడిసి ముద్దవుతున్నప్పుడు ఆ సీన్‌ మరీ అద్భుతం ఉంటుంది కదూ.. తడితడి అందాలతో వెండితెరపై కవ్విస్తున్న అందమైన భామలపై ఓ లుక్కేద్దామా..
ఆ మెరుపులలో అమ్మాయి మెలికలు కనిపిస్తాయి.. ఉరుముల మధ్య ఉత్తేజం కనిపిస్తుంది.. చిటపటలో చిరునాట్యం కనిపిస్తుంది. మొత్తానికి ఆ అద్భుతమైన దృశ్యానికి దాసోహం కానివారు ఉండరు.
చిటపట చినుకులు పడుతూవుంటే చెలికాడే చెంతనుంటే ఆ హాయి ఎంత మధురంగా ఉంటుందో చూపించిన సరోజదేవి.. నాగేశ్వరరావుతో కలిసి పాడుకున్న పాట మీరే చూడండి.
ఇక జడివానలో తడిసి ముద్దయింది ఒకప్పటి అందాల దేవత.. శ్రీదేవి. తడి తడి అందాలతో
ఎన్టీఆర్‌నే మాయ చేసింది. తెల్లచీరలో శ్రీదేవి వేస్తున్న స్టెప్పులకు వానాదేవుడే కరిగిపోయాడేమో..
అందుకే బోరున కురిసింది వానా.
ఆఖరి పోరాటంలోనూ శ్రీదేవి వర్షంలో ఆడిపాడింది. స్వాతిచినుకు సంధ్యవేళలో ఆ లేలేత వణుకు
అందెగత్తెతో కలిసి స్టెప్పులేశాడు నాగార్జున. ఆకుపచ్చ చీరలో తడిసిన అందాలతో అలరించింది శ్రీదేవి.
ఇక శ్రీదేవినే కాపీ కొట్టింది ఆర్తీ అగర్వాల్‌. చీరలో అందంగా ముస్తాబై, చినుకుల్లో చిందేస్తూ
జూనియర్‌ ఎన్టీఆర్‌ను సూదుల్తో గుచ్చేసింది.
బోరున కురుస్తున్న వర్షంలో జోరుగా స్టెప్పులేసింది విజయశాంతి. చెలియ చూపులు చిలిపి
జల్లులయ్యాయంటూ ఆ మెరుపులు చూసి పాడుకున్నాడు మెగాస్టార్‌.
నగ్మ కూడా బోరు వర్షంలో జోరుగా స్టెప్పులేసింది. చిటపట చినుకుల్లో నాగార్జునతో కలిసి
చిందులేస్తూ తడితడి అందాలతో ప్రేక్షకులను విపరీతంగా అలరించింది.
వానేమి చేస్తుందిరో ఓ పిల్లగాడా వయస్సుంటే నాకాడ.. అంటూ బాలయ్యను కవ్వించింది రజినీ.
అలుపుసొలుపు లేకుండా ఉరుములకు మెరుపులకు ధీటుగా స్టెప్పులేసిందీ భామ.
చల్లని వర్షంలో వెచ్చని తోడుంటే ఆ ఫీలింగే అద్భుతం. అటువంటి సమయంలో ఉల్లి పొర చీర
మలుపులో ఉక్కపోస్తుందంటూ వర్షంలో చిందులేసింది సిందూమీనన్‌.
ఇలా వలపు వానలో తడిసి ముద్దవుతున్న భామలు ఎందరో ఉన్నారు. హాట్‌గా కవ్వించే భామలకు వర్షంతోడైతే ఆ అందాలు ఎప్పటికీ చెరిగిపోవు. ప్రేక్షకుడిని కన్నార్పకుండా చేస్తుంది. వర్షం పడుతున్న వేళ చీరలో చిందులేస్తూ అందమైన భామలు అలరిస్తూనే వున్నారు. రంగుల ప్రపంచంలో వెలుగుతూనే వున్నారు.
